Sænskir miðlar greindu frá málinu í gærkvöldi en Vísir greindi fyrst frá hér á landi. Auk fangelsis var Ægir dæmdur til að greiða miskabætur. Í ákærunni kemur fram að Ægir hafi talað við 14 ára gamlan dreng í gegnum smáforritið Grindr. Þá segir að Ægir hafi brotið á honum kynferðislega auk þess sem hann réðst á hann í almenningsgarði.
Ægir hótaði drengnum að hengja upp kynferðislegar myndir af honum í hverfi drengsins ef hann myndi ekki hitta hann aftur. Ægir reyndi einnig að kúga pening úr drengnum, 3.500 sænskar krónur en það eru um 55 þúsund í íslenskum krónum.
Fyrir dómi neitaði Ægir sök og sagði að hann hafi ekki vitað að drengurinn væri 14 ára gamall. Það var ekki talið trúverðugt þar sem útlit drengsins gaf í skyn að hann væri barn. Þá sagði drengurinn við Ægi að hann væri undir lögaldri.
Eins og áður segir er Ægir þekktur sem raftónlistarmaðurinn Damien Eie. Hann hefur spilað undir því nafni á næturlífinu í Svíþjóð en einnig hér á landi. Til að mynda spilaði hann í miðbæ Reykjavíkur á skemmtistaðnum Jacobsen árið 2009 og 2010.
