Síðdegis á sunnudaginn barst lögreglunni í Agder í Noregi óvenjuleg símtal. Hringt var og tilkynnt um fjölskyldu sem liði illa, alla svimaði og glímdu við mikla vanlíðan. Taldi fjölskyldan að hún hefði orðið fyrir bráðri eitrun, jafnvel að eitrað hefði verið fyrir henni.

VG skýrir frá þessu. Lögreglan og sjúkralið voru strax send á vettvang. Skömmu eftir komu þeirra á vettvang lá ljóst fyrir að ekki hafði verið eitrað fyrir fjölskyldunni, að minnsta kosti ekki í klassískum skilningi.

„Það kom í ljós að sonur, á heimilinu, hafði bakað hasskökur sem fjölskyldan hafði borðað,“

sagði talsmaður lögreglunnar sem bætti við að fjölskyldan hafi ekki vitað hvað hún var að borða.

Enginn veiktist alvarlega af þessu.

Sonurinn játaði baksturinn eftir að lögregla og sjúkralið voru komin á vettvang. Hann á sekt yfir höfði sér fyrir brot á fíkniefnalöggjöfinni.