Paul Pogba gæti vel skrifað undir nýjan samning á Old Trafford samkvæmt fréttum dagsins.
ESPN greinir frá því að Pogba hafi aldrei verið ánægðari og vill nú spila lengur í Manchester-borg.
Framtíð Frakkans er í umræðunni mánaðarlega en hann hefur reglulega verið orðaður við brottför.
Pogba á aðeins eitt ár eftir af samningi sínum en hann kom frá Juventus fyrir fjórum árum.
Talið var að Pogba myndi kveðja áður en samningurinn væri á enda en miðað við þessar fregnir hefur hann tekið algjöra U-beygju.
Hann er að mynda sterkt teymi á miðju United ásamt Portúgalanum Bruno Fernandes.
