N’Golo Kante, leikmaður Chelsea, er gull af manni og það er erfitt að finna einhvern sem líkar illa við miðjumanninn.

Kante var áður hjá Leicester City og lék þar með varnarmanninum Cedric Kipre sem er í dag hjá Wigan.

Kipre lenti í íbúðarveseni þegar hann var hjá Leicester og fékk að gista hjá Kante í heilan mánuð.

,,Ég bjó heima hjá N’Golo í mánuð þegar ég var hjá Leicester,“ sagði Kipre í samtali við Goal.

,,Það voru vandamál með mína íbúð og bæði ég og bróðir minn fengum að gista þarna. Það eru ekki allir sem hefðu leyft það.“

,,Þetta var fallega gert af honum. Ég er stoltur að hafa kynnst honum. Það er ekki til auðmjúkari manneskja en N’Golo.“