Samkvæmt samnorrænni rannsókn, sem Daninn Kirsten Wiese Simonsen stýrir, þá hefur dauðsföllum af völdum ofskömmtunar fjölgað hér á landi. Þau eru nú 6,58 á hverja 100 þúsund íbúa á ári og er það hæsta hlutfallið á Norðurlöndunum.

Fréttablaðið skýrir frá þessu í dag. Svíþjóð fylgir Íslandi fast eftir. Í Danmörku og Noregi hefur hlutfallið lækkað síðan sambærileg rannsókn var gerð fyrir átta árum en verkefnið hefur staðið yfir í 30 ár samtals.

Hér á landi eru það ópíóíðar sem eru algengustu ofskömmtunarefnin eins og á hinum Norðurlöndunum, ekki er þó skilgreint nákvæmlega hvaða efni er um að ræða. Í Svíþjóð og Finnlandi er heróín algengasta ofskömmtunarefnið. Í Danmörku er það methodone og í Finnlandi er það buprenorphine.

Í rannsókninni kemur einnig fram að ofskammtanir örvandi lyfja á borð við kókaín og MDMA séu að aukast.