Þessa dagana er víða kosningaskjálfti í samfélaginu. Það styttist óðfluga í næstu kosningar og svo virðist sem allir þátttakendur, hvort sem er á víglínunni, eða á bak við tjöldin, séu farnir að finna fyrir skjálftanum.
Erla Hlynsdóttir, kosningastjóri Pírata, lenti í því óhappi í vikunni að missa kaffibolla yfir tölvuna sína með þeim afleiðingum að tölvan er ónothæf.
Erla gat þó bjargað öllum gögnum af tölvunni. Sömu sögu er ekki að segja um þingmann Pírata, Jón Þór Ólafsson, sem missti líka kaffibolla yfir tölvuna sína í vikunni. Hún er gjörónýt og mun Jón Þór eflaust ekki drekka kaffi við tölvuna í bráð.
