Það eru engir stuðningsmenn á leik Inter Milan og Ludogorets í kvöld en spilað er í Evrópudeildinni.

Ástæðan er kóróna veiran sem allir eru farnir að kannast við en þónokkur smit hafa fundist á Ítalíu.

Í kvöld er svo greint frá því að spænskur blaðamaður hafi smitast er hann mætti á knattspyrnuleik í síðustu viku.

Blaðamaðurinn ferðaðist til Milan og síðar á leik Atalanta og Valencia í Meistaradeildinni.

Búið er að staðfesta að hann hafi smitast í þessari ferð en AS ræddi við hann um veikindin.

,,Mér líður mjög vel. Það er eins og ég sé með kvef en ekki meira en það,“ er haft eftir honum.

,,Það er séð mjög vel um mig og ´eg er rólegur.“