Þrír einstaklingar á aldrinum 29 til 41 árs voru staðnir að þjófnaði úr verslun í Smáralind í gær. Tilkynning um málið barst lögreglu klukkan 17.49, en að sögn lögreglu framvísaði einn þremenninganna einnig ætluðum fíkniefnum við afskipti lögreglu. Málið var afgreitt með vettvangsskýrslum.
Tíðindalítið var í umdæmi lögreglunnar á höfuðborgarsvæðinu í gærkvöldi og í nótt. Þrír ökumenn voru stöðvaðir í gærkvöldi, ýmist vegna gruns um akstur undir áhrifum áfengis eða fíkniefna. Þá var einn ökumaður stöðvaður á fimmta tímanum í morgun vegna gruns um akstur undir áhrifum fíkniefna.
