Christopher Freund, yfirmaður knattspyrnumála RB Salzburg, hefur tjáð sig um sóknarmanninn Sadio Mane.

Mane spilar í dag með Liverpool var í fjórða sæti Ballon d’Or yfir bestu leikmenn ársins fyrr í mánuðinum.

Freund er sá maður sem fann Mane fyrst af öllum er hann lék með Metz í neðri deildunum í Frakklandi.

Mane samdi við Salzburg í kjölfarið og fór síðar til Southampton og Liverpool.

,,Sadio er einn besti leikmaður heims. Leo Messi var ekki sáttur með að hann væri í fjórða sæti – Liverpool vann Meistaradeildina,“ sagði Freund.

,,Sá leikmaður sem hefur náð lengst af okkar spilurum er Mane. Ég fann hann hjá Metz sem spilaði í þriðju deildinni og hann tók ótrúlegum framförum.“

,,Við sáum mikil gæði. Við sáum hreyfingarnar, hraðann og hungrið til að skora mörk.“

,,Þegar við hittum hann í persónu þá var hann mjög skýr og vildi taka næsta skref á ferlinum.“