Parið Monica og Ben eru miklir aðdáendur Game of Thrones. Þegar kom að því að ákveða hvar þau vildu gifta sig þá kom aðeins einn staður til greina, Ísland! Monica er frá Ítalíu og Ben er frá Bretlandi en þau héldu athöfnina á Þingvöllum.
„Við erum bæði aðdáendur Game of Thrones og mjög hrifin af fantasíu,“
sagði Monica við Rock N Roll Bride. Monica og Ben hafa áður komið til Íslands í Game of Thrones ferð og bað Ben hana um að giftast sér hér á landi.
„Við kunnum einnig að meta frjálslegt eðli Íslendinga og opinská viðhorf þeirra til ástar og hjónabands.“
Flestir brúðkaupsgestirnir klæddust fötum í miðaldarstíl og athöfnin var heiðin. Myndirnar frá brúðkaupinu eru ótrúlega flottar en Styrmir Kári og Heiðdís sáu um myndirnar.
