Cenk Tosun, framherji Everton og Tyrklands er klár í slaginn þegar Ísland heimsækir Tyrki í undankeppni EM á fimmtudag. Vinni Ísland ekki leikinn er ljóst að Tyrkir eru komnir á EM 2020.

Tosun og félagar hafa spilað afar vel í riðlinum en þeir hafa veri í vandræðum með Ísland síðustu ár. Ísland hefur unnið þrjá síðustu leiki og nú síðast í sumar.

,,Stemmingin hjá okkur er mjög góð, við erum með marga unga leikmenn í kringum smá reynslu. Við erum í góðri stöðu i riðlinum,“ sagði Tosun.

,,Við munum ekki gera sömu mistök og áður gegn Íslandi, við munum fara með sigur af hólmi. Við höfum mætt þeim oft síðustu ár og oftast tapað.“

,,Við viljum vinna þá á heimavelli, við viljum halda áfram á sigurbraut til að fara á flugi inn á EM.“