Erik Hamren, landsliðsþjálfari, var súr í kvöld eftir leik við Albaníu í undankeppni EM.
Íslensku strákarnir voru ekki sannfærandi í Albaníu en þeir töpuðu að lokum 4-2 fyrir heimamönnum.
Hamren segir að frammistaðan hafi ekki verið nógu góð og sérstaklega í fyrri hálfleik.
,,Ég er vonsvikinn. Við vorum ekki nógu góðirr í fyrri hálfleik sem er svekkjandi. Seinni var betri og við vorum með orku,“ sagði Hamren við RÚV.
,,Við jöfnum fyrst í 1-1 og svo í 2-2 en svo skora þeir aftur. Við fengum tækifæri til að skora þriðja markið og vorum óheppnir, þeirra skot fór í Kára en eftir það þá þurftum við að fara fram á við og þá opnaðist allt.“
,,Ég er mjög súr því við vildum meira úr þessu. Seinni hálfleikur var betri og ég var ánægður með suma hluti á vellinum en við vorum ekki nógu góðir.“
,,Við vorum ekki að vinna saman, við vorum að vinna einn og einn og samvinnan var ekki eins og í síðustu þremur leikjum. Það var lítið sem við gerðum saman en þeir voru með boltann auðveldlega.“
Kolbeinn Sigþórsson byrjaði ekki leik kvöldsins en Hamren segist ekki sjá eftir þeirri ákvörðun.
,,Ég sé ekki eftir því og það var ekki þeirr ákvörðun að kenna. Liðið þarf að vera þéttara og við þurfum að byrja betur.“
