Zlatan Ibrahimovic segist vel geta komið og hjálpað Manchester United ef félagið þarf á honum að halda, þetta sagði hann í léttum tón.
Zlatan spilar í dag með LA Galaxy í MLS deildinni en hann lék í eitt og hálft ár með Manchester United, áður en hann fór til Bandaríkjanna.
,,Ég gæti auðveldlega spilað í ensku úrvalsdeildinni, ef United þarf á mér að halda. Þá er ég hérna,“ sagði Zlatan.
Zlatan og félagar eru á leið í úrslitakeppnina. ,,Galaxy er með mig, því miður.“
,,Ég gerði mitt í Evrópu, ég naut þess. Ég tók 33 titla með mér hingað og vonandi get ég sótt eitthvað hérna. Svo sjáum við hvað gerist þegar ég klára hérna.“
Zlatan er að verða 38 ára gamall en hann hefur átt magnaðan feril.
