Raunveruleikastjarnan Tamra Judge úr þáttunum Real Housewives of Orange County er ekki hrifin af ketó.
Hún sagði frá því á Instagram að hún trúir því ekki að ketó-mataræðið sé ekki heilbrigt.
„Ég gat ekki skilið hvernig ég átti að borða svona mikla fitu. Þetta er bara ekki heilbrigt til lengri tíma,“ sagði hún samkvæmt The Feast á Bravo.
Tamra prófaði mataræðið í fyrra en hún hætti eftir að hún „varð veik.“
„Það er sagt að þú fáir ketó flensu og ég bara hætti á ketó í kjölfarið,“ sagði hún.
Ketó-flensa er nokkuð algengur fylgikvilli þegar byrjað er á ketó. Einkenni eru beinverkir, þreyta, svimi og flökurleiki. „Flensan“ kemur vegna þess að líkaminn er að hætta að brenna kolvetnum og byrja að brenna fitu, þegar líkaminn er að fara í svokallað „ketósis“.
Tamra segir að hún botnar ekkert í mataræði sem inniheldur svona mikla fitu.
„Það veldur mér áhyggjum. Ég trúi alveg að það virkar, en ég bara get ekki skilið hvernig ég ætti að borða svona mikla fitu. Slæma fitu eins og ost, sýrðan rjóma, smjör og allt þetta. Ég er hrifin af góðu fitugjöfunum eins og avókadó, en ég ætla ekki að dýfa eggjunum mínum í smjör og henda osti ofan á það. Ég bara get það ekki,“ sagði Tamra.
„Ég botna bara ekkert í þessu því þetta er ekki heilbrigt mataræði. Ég hef meiri áhyggjur um áhrifin sem ketó hefur á hjartað þitt, kólesterólið þitt og þannig hluti.“
Hvað segja lesendur, hefur hún eitthvað til málanna að leggja?