Skýrslan er byggð á upplýsingum frá leyniþjónustum aðildarríkja SÞ. Fram kemur að IS lifi enn og leiðtogar samtakanna undirbúi nú næstu landvinninga samtakanna og noti sérstaklega áróður á internetinu til að undirbúa þetta.
Í skýrslunni kemur einnig fram að ástæða sé til að hafa áhyggjur af um 30.000 liðsmönnum IS sem börðust í Sýrlandi og Írak en hafa snúið heim á ný. Um 6.000 þeirra eru taldir vera frá Evrópu. Talið er að 2.000 þeirra séu látnir, 2.000 séu í haldi eða á flótta og að 2.000 séu komnir heim til Evrópu.
Segir í skýrslunni að hugsanlega muni sumir ganga til liðs við hryðjuverkasamtök á borð við al-Kaída eða önnur álíka samtök. Aðrir verði leiðtogar nýrra hryðjuverkasamtaka og muni vinna að því að fylla aðra öfgahyggju.