Orðið á götunni er að þúsundþjalasmiðurinn Vilhelm Anton Jónsson, Villi naglbítur eins og hann er oft kallaður, og Saga Sigurðardóttir ljósmyndari séu farin að stinga saman nefjum. Saga er vog en Villi steingeit og því margt hægt að lesa úr stjörnumerkjunum um hvernig þau eiga saman.
Þetta gæti nefnilega verið ágætis blanda ef þau verða sátt við að þau eigi fátt sameiginlegt. Vogin og steingeitin gætu ekki verið ólíkari. Steingeitin er hæglát og hleypir ekki hverjum sem er að sér. Vogin er hins vegar félagslegt fiðrildi og elskar að hitta nýtt fólk. Frami og vinna skiptir steingeitina miklu máli á meðan voginni finnst mikilvægara að finna fegurð og jafnvægi í lífinu og samböndum. Hins vegar getur sambandið orðið afar gjöfult ef þau elska og virða hvort annað þrátt fyrir að þau séu algjörar andstæður. Steingeitin getur verið ráðagóð og róleg í erfiðum aðstæðum á meðan vogin getur sýnt steingeitinni allt það besta sem lífið hefur upp á að bjóða.
Saga
Fædd: 10. október 1986
Vog
– Diplómati
– Örlát
– Félagsvera
– Ákvarðanafælin
– Sjálfsvorkunn
– Forðast átök
Villi
Fæddur: 3. janúar 1978
Steingeit
– Agaður
– Ábyrgur
– Góð sjálfsstjórn
– Besservisser
– Býst við því versta
– Yfirlætisfullur
