Hinn mikil uppgangur sem hefur verið hjá Marel á liðnum árum hefur skilað sér inn í hlutabréfaverð félagsins. Fyrir réttu ári gátu fjárfestar keypt bréf í Marel á genginu 381 í Kauphöllinni. Núna í morgun var gengið 552. Þetta er um 45% hækkun á einu ári. Frá ársbyrjun nemur hækkunin tæplega 50%. Félagið var skráð í Euronext kauphöllina í Amsterdam fyrir mánuði og hefur gengi bréfanna nánast staðið í stað síðan þá. Sá sem fjárfesti í Marel árið 2014 hefur rúmlega fimmfaldað það sem hann setti í félagið.

Tekjur Marel námu um 1,2 milljörðum evra á síðasta ári og eru starfsmenn um 6000 talsins í um 30 löndum. Með aukinni nýsköpun og markaðssókn á næstu árum stefnir félagið að 12% meðalvexti á ári allt fram til 2026. Á hverju ári ver félagið um 6% af tekjum sínum í vöruþróun.

Marel er leiðandi í framleiðslu á hátæknibúnaði fyrir vinnslu á kjúklingum, kjöti og fiski.

Á botninum í Kauphöllinni eru bréf Eimskipafélagsins, en þau hafa lækkað um 18% frá ársbyrjun. Þá hafa bréf Sýnar lækkað um 14% og Haga um 10%.