Jóhannes Tryggvi Sveinbjörnsson, svonefndu stjörnunuddari, hefur hætt störfum hjá Postura þar sem hann starfaði sem meðhöndlari. Þetta kemur fram á síðu Postura þar sem segir:
„Jóhannes er að hætta frá með 31. Maí og ætlar Jóhann að taka við Postura.
Jóhannes mun tilkynna á fésbókarsíðu Postura eða hér á síðunni hvenær hann komi til landsins að vinna.„Ég er innilega þakklátur fyrir alla þá sem hafa stutt við bakið á mér
– Jóhannes“
Ekki kemur fram hvort Jóhannes sé að hverfa til annarra starfa en af orðum yfirlýsingar má ráða að hann sé fara að dvelja erlendis.
Á þriðja tug kvenna hafa sakað hann um að hafa brotið kynferðislega gegn sér á meðan hann meðhöndlaði þær, og eru málin til rannsóknar hjá lögreglu. Þolendur hans hafa gagnrýnt að Jóhannes fengi áfram að starfa óáreittur á meðan á rannsókn stendur, en það gæti skapað áhættu á að hann bryti gegn fleirum skjólstæðingum. Jóhannes tilheyrir hvorki stétt sjúkranuddara né hnykkjara. Hann tilheyrir engri löggildri heilbrigðisstétt, og þarf því ekki að bera ábyrgð gagnvart stétt sinni. Í yfirlýsingu sem þolendur hans sendu blaðamanni í maí segir meðal annars:
„Við, þolendur Jóhannesar, undrumst vinnubrögð lögreglu og réttarkerfisins í heild sinni. Við fordæmum það að maður sem hefur verið kærður af mörgum konum fái enn þann dag í dag að standa óáreittur og taka við kúnnum á stofunni sinni!“
Fordæma að Jóhannes sé enn starfandi:
