„Þetta er heimsfrægur drykkur sem talinn er eiga þátt í því að útrýma magavandamálum. Magavandamál höfðu verið að hrjá mig en ekki síður fólk í kringum mig. Ég er vegan og margt vegan fólk var að mæla með þessu. Svo ég ákvað að prófa og sé ekki eftir því. Það er afskaplega mikil og fjölbreytt næring í þessum drykk. Síðan spillir ekki fyrir að þetta er í grunninn te og ég hef alltaf verið mikil te-manneskja. Annað atriði sem skiptir mig miklu máli er að það eru lifandi gerlar í drykknum,“ segir Alda Karen Hjaltadóttir, 23 ára sölu- og markaðsstjóri hjá samfélagsmiðlafyrirtækinu Ghostland.

Alda hefur afskaplega góða reynslu af neyslu heilsudrykkjarins Kambucha sem kemur frá sænska heilsuvörufyrirtækinu Betteryou. „Ég hef ekki orðið veik í hálft ár eftir að ég fór að taka þetta inn og á sama tíma hafa allir verið að fá pestir í kringum mig,“ segir Alda.

Drykkurinn er í glerflöskum sem Alda telur vera enn einn kostinn við hann og hún drekkur hann alltaf kaldan. „Ég drekk þetta daglega, ekki síst af því mér finnst drykkurinn svo rosalega góður. Lýsi er ekki vegan og þessa vegna tek ég þetta inn í staðinn fyrir lýsi. En auk þess drekk ég eina flösku með mat því mér finnst þetta svo afskaplega gott. Samanlagt drekk ég tvær flöskur yfir daginn.Ég var með alls konar magavandamál, til dæmis mjólkuróþol, áður en ég varð vegan. Þetta lagaðist með breyttu mataræði en Kombucha hefur síðan bætt enn um betur og núna finn ég aldrei fyrir magaóþægindum. Ég þekki líka eldri konu sem hefur verið á þessu í þrjár vikur og hún er allt önnur, hvílík breyting á einni manneskju til hins betra!“

Í Kambucha drykknum eru lifandi mjólkursýrugerlar sem laga maga- og þarmaflóruna og styrkja ónæmiskerfið. Drykkurinn er í handgerðum glerflöskum og bragðast best kældur. Þessi lífræni heilsudrykkur er ekki bara afskaplega góður fyrir heilsuna heldur þykir hann líka afar bragðgóður. Bragðtegundirnar eru eftirfarandi: Jarðaberja, mintu, epla, engifer, náttúrulegt engifer, ástríðuávöxtur og hindberjalímonaði.

Kombucha frá Betteryou fæst í öllum verslunum Krónunnar. Dreifingaraðili er Lífræn matvæli hf.