Íslensku Eurovisionfararnir í Hatara voru teknir fyrir í gamanþætti á ísraelsku sjónvarpsstöðinni  Eretz Nehederet,  þar sem stólpagrín var gert af nokkrum Eurovision-atriðum svo sem Íslandi, Frakklandi, San Marínó og Ástralíu. Þegar Hatarar voru teknir fyrir var gríninu beint að BDSM klæðaburði þeirra og því þegar þeir veifuðu Palestínska-fánanum.

Í atriðinu koma tveir fulltrúar Hatara og taka upp palestínska og ísraelska fána. Þeir segja svo við þáttastjórnanda:

„Þú getur ekki kennt okkur. Við vitum allt um ykkar átök. Þið komuð hingað á víkingaskipunum ykkar og hentuð Palestínumönnum út með hamari Þórs árið 48 fyrir Krist.“

Síðan er gert grín af klæðaburði Hatara og gefið til kynna að þeir þurfi aðstoð til að komast úr fötunum.

„Ég þarf lásasmið til að komast úr þessum fötum“

Að endingu spyr þáttastjórnandi:

„Vegna mótmæla ykkar þá vitið þið væntanlega að EBU eru nú að íhuga að refsa Íslandi. Hafið þið engar áhyggjur af því?“

Og ekki stendur á svörum frá Hatara:

„Sérðu ekki hvernig við erum klæddir? Við erum óðir í refsingar“

Hér að neðan má sjá brotið með Hatara-gríninu sem notandinn Gaberoonie deildu og textaði

ESC 2019 Parody Part 4: Hatari (Israeli television Eretz Nehederet) from r/eurovision