Ég var að þrífa búrið og hann náði að smeygja sér úr búrinu og svaladyrnar voru opnar. Þeir fá oft að vera frjálsir en þá eru allir gluggar lokaðir. Ég er að farast úr samviskubiti. Börnin leið,“ segir Líf Magneudóttir, borgarfulltrúi VG, sem varð fyrir því óláni núna í eftirmiðdaginn að annar páfagaukanna hennar flaug út úr húsinu og er núna týndur.
Páfagaukurinn heitir Bangsi og er kvenkyns þrátt fyrir nafnið. Hinn páfagaukurinn heitir Sævar og að sögn Lífar er þau kæraustupar. „Sævar, kærastinn hennar, saknar hennar,“ segir Líf, alveg eyðilögð.
Líf býr að Hagamel og biðlar hún til íbúa í hverfinu að hafa auga með fuglinum. „Við fengum hana í ágúst og hún er tiltölulega ung, ég veit ekki, líklega innan við eins árs,“ segir Líf.
Líf er langt frá því að vera úrkula vonar og hefur hún stillt upp aukabúri á svölunum með mat ef fuglinn skyldi verða svangur.
DV óskar þess að fjölskyldan endurheimti þetta kæra gæludýr, biður borgarbúa um að hafa augun hjá sér, og umfram allt deila fréttinni svo líkur á því að fuglinn finnist aukist. Líf Magneudóttir er í símaskránni, til upplýsingar fyrir þann sem kynni að vera svo lánsamur að finna dýrið.
