Hannes í Baku er ný heimildarmynd um Hannes Þór Halldórsson og fjallar um tímann sem hann átti hjá knattspyrnufélaginu Qarabag. Heimildarmyndin um okkar ástkæra landsliðmarkmann er nú aðgengileg í Sjónvarpi Símans Premium.

Hanes yfirgaf Qarabag á dögunum og gekk í raðir Vals en hefðirnar í kringum æfingar, hjá félaginu voru skrýtnar.

„Síðan þarf ég að mæta aftur á æfingu upp úr tvö eða mæta upp á æfingasvæði klukkan tvö og hanga þar í fjóra klukkutíma, þangað til að æfingin byrjar klukkan sex. Það er svona eitthvað sem ég á svolítið erfitt með að venjast. Þetta er allt annar kúltúr heldur en maður er vanur úr Evrópu,“ segir Hannes Þór um æfingarnar í Baku sem hann þarf ekki að mæta á lengur.

Lítið skipulag var á því hvenær æfingar væru, leikmenn þurftu að hanga á æfingasvæðinu.

„Maður fattaði ekki alveg hvað maður hafði það gott fyrr en maður kom hingað. Mæta hálf tvö, tvö, bíða í fjóra klukkutíma inni á herbergi þar til maður fær sms um það hvenær æfingin byrjar. Það er yfirleitt um klukkan sex, hálf sjö. Æfingin er þá í einn til tvo klukkutíma og búin rúmlega átta,“ bætir Hannes Þór við en krakkarnir eru yfirleitt sofnaðir þegar hann kom heim á kvöldin
Brot úr myndinni er hér að neðan.