Everton 4-0 Manchester United
1-0 Richarlison(13′)
2-0 Gylfi Þór Sigurðsson(28′)
3-0 Lucas Digne(56′)
4-0 Theo Walcott(64′)
Fyrsta leik dagsins á Englandi er nú lokið en lið Manchester United heimsótti þá lið Everton í Liverpool.
Um var að ræða mikilvægan leik fyrir bæði lið en United stefnir að því að komast í Meistaradeildina og Everton vill hafna í sjöunda sæti.
Fyrsta mark leiksins skoraði Brassinn Richarlison fyrir heimamenn þegar 13 mínútur voru komnar á klukkuna.
Ekki löngu seinna var staðan orðin 2-0 er Gylfi Þór Sigurðsson bætti við marki og staðan 2-0 í hálfleik.
Lucas Digne og Theo Walcott bættu svo báðir við mörkum í seinni hálfleik fyrir Everton sem vann að lokum frábæran 4-0 sigur.
Gylfi lék allan leikinn fyrir Everton og lagði upp fjórða mark liðsins á Walcott ásamt því að skora mark.