Juventus er deildarmeistari á Ítalíu í áttunda sinn í röð en þetta varð staðfest í kvöld.
Juventus fékk Fiorentina í heimsókn í leik dagsins og hafði betur 2-1 eftir að hafa lent undir í fyrri hálfleik.
Karlalið Juventus hefur verið óstöðvandi undanfarin ár og hefur unnið titilinn á hverju ári frá árinu 2012.
Kvennalið Juventus er einnig gríðarlega sterkt og fagnaði sigri í sinni deild, sama dag og karlaliðið.
Konurnar í Juventus unnu 3-0 sigur á Verona í dag og tryggðu sér þar með deildarmeistaratitilinn.
Nokkrum klukkutímum síðar unnu karlarnir svo sinn leik og má búast við gríðarlegum fögnuði í Tórínó í kvöld.
