Mohamed Salah, leikmaður Liverpool, kemur ekki til greina sem leikmaður ársins á Englandi.
Þetta varð ljóst í dag er sex leikmenn voru tilnefndir til verðlaunanna sem verða afhent í lok tímabils.
Þeir Raheem Sterling og Virgil van Dijk eru líklegastir til að fá verðlaunin samkvæmt veðbönkum.
Sterling hefur verið frábær fyrir Manchester City og Van Dijk er einn mikilvægasti leikmaður Liverpool.
Tveir aðrir leikmenn City koma til greina, þeir Bernardo Silva og Sergio Aguero.
Mögulegir sigurvegarar:
Raheem Sterling (Manchester City)
Sergio Aguero (Manchester City)
Bernardo Silva (Manchester City)
Sadio Mane (Liverpool)
Virgil van Dijk (Liverpool)
Eden Hazard (Chelsea)
