Íbúafundur í Staðahverfi var haldinn 10. apríl þar sem fjallað var um fyrirhugaða lokun grunnskóla hverfisins, Kelduskóla – Korpu, og fyrirætlan borgaryfirvalda að senda börnin í skóla í öðru hverfi. Um 150 manns voru á fundinum en heildaríbúatala hverfisins er um 1.100. DV greindi frá málinu þann 28. mars. Þrettán borgarfulltrúar mætti á fundinn:
Í lok fundar var eftirfarandi ályktun samþykkt með yfirgnæfandi meirihluta:
Íbúafundur í Staðahverfi þann 10. apríl 2019 sem boðaður var af íbúum hverfisins hafnar tillögum um lokun Kelduskóla – Korpu sem kynntar hafa verið af starfsmönnum Reykjavíkurborgar. Grunnskóli er ekki matvöruverslun sem menn loka að vild eins og nefnt var af starfsmanni Reykjavíkurborgar á fundi með foreldrum fyrir nokkru.
Fundurinn krefst þess að Reykjavíkurborg starfi í samræmi við gildandi deiliskipulag Staðahverfis sem kveður á um grunnskóla í hverfinu.
Fundurinn hafnar vinnubrögðum varðandi samráðsferli þar sem samráðshópur er af stærstum hluta skipaður starfsfólki borgarinnar auk þess sem sá tími sem gefin er til vinnu hópsins er of skammur.
Fundurinn telur að breytingar á skólastarfi í norðanverðum Grafarvogi séu órökstuddar og illa ígrundaðar og með ólíkyndum að meirihluti barna í norðanverðum Grafarvogi þurfi að færast milli hverfa til að sækja lögbundna kennslu eins og horfur eru á nái breytingar fram að ganga.
Einnig áréttar fundurinn að meðan borgin sóar umtalsverðum fjármunum í ólögbundin gæluverkefni, séu ekki forsendur til frekari skerðinga og breytinga í lögbundnu skólastarfi en orðið er.
Meðfylgjandi eru myndir frá fundinum.
