Í síðustu viku var tilkynnt að Morciego muni játa að hafa orðið Foster að bana og verður hann sakfelldur fyrir manndráp af gáleysi. Hann á allt að fimm ára fangelsi yfir höfði sér. Réttað er yfir honum í Flórída en þar varð slysið.
En hörmungum fjölskyldunnar var og er ekki lokið. Í febrúar á þessu ári myrti Yovahnis Roque, Savannah sem var þá tæplega þriggja ára.
Mæðgurnar hvíla nú hlið við hlið en Roque situr í fangelsi. Hann flutti frá Flórída til Texas skömmu eftir banaslysið til að geta búið hjá móður sinni til að fá aðstoð við uppeldið á Savannah.
NBC Miami skýrir frá þessu.
En líf Savannah varð stutt því faðir hennar myrti hana í febrúar með hamri. Lögreglustjórinn í Orange, þar sem litla stúlkan var myrt, sagði að morðvettvangurinn hafi verið eins og tekinn úr hryllingsmynd. Þegar lögreglan kom á vettvang lá Roque nakinn og blóðugur á gólfinu en lík Savannah fannst inni í skáp. Hann hefur játað að hafa myrt dóttur sína. Hann ber því við að örflaga hafi verið sett í líkama Savannah og hafi hann ráðist á hana til að eyðileggja örflöguna.
„Það var ríkisstjórnin sem sagði mér að gera þetta.“
Sagði hann fyrir dómi. Roque verður látinn sæta geðrannsókn.
