Skopmyndir af Bandaríkjaforseta vekja mikla athygli – Háðfuglar á Reddit í stuði
Margt er ritað og rætt um Donald nokkurn Trump Bandaríkjaforseta enda líklega óvenjulegasti þjóðhöfðingi í hinum vestræna heimi. Framganga hans er til umræðu daglega um heim allan. Á samfélagsmiðlinum Reddit spratt upp ný tegund skopmynda sem ber yfirskriftina „Tiny Trumps“.
Á íslensku mætti ef til vill kalla hugmyndina Trítillinn Trump. Valin atvik úr forsetatíð Trumps eru sett í annað samhengi með því einu að smækka forsetann. Úr verður lítill karl í stóru hlutverki, en færa má rök fyrir því að einmitt þannig sjái sumir þennan makalausa forseta.