Eins og DV skýrði frá í nótt þá hefur allt flug WOW air verið stöðvað og eru vélar félagsins nú á flugvöllum í Bandaríkjunum og Kanada. Nú hefur öllu flugi WOW air frá Keflavíkurflugvelli verið aflýst í dag miðað við upplýsingar á heimasíðu ISAVIA um flug til og frá flugvellinum.
Sjö vélar frá WOW air áttu að halda til Evrópu í morgunsárið samkvæmt upplýsingum á heimasíðu ISAVIA en ekkert verður af þeim brottförum enda vélarnar enn í Ameríku. Þá hefur öllu flugi félagsins síðar í dag frá Keflavíkurflugvelli einnig verið aflýst.
