Hörður Snævar Jónsson skrifar frá París:

Íslenska landsliðið kom til Parísar í gærkvöldi og mun síðdegis í dag æfa á Stade de France í úthverfi Parísar. Liðið leikur sov við heimamenn í undankeppni EM á morgun.

Íslenska liðið, vann góðan sigur á Andorra á föstudag og kemur til Parísar, þar sem stig eða sigur væru algjör bónus.

Hvort íslenska liðið komist í lokakeppni EM, stendur hvorki né fellur með því hvað gerist á morgun. Íslenska liðið hefur þó hins vegar oftar en ekki átt sína bestu leiki á erfiðum útivöllum, nægir að nefna sigra í Hollandi og Tyrklandi.

,,Ég vona að það henti okkur betur að spila gegn Frakklandi, en leikurinn gegn Andorra var sá mikilvægasti í þessum tveimur leikjum,“ sagði Jóhann Berg Guðmundsson, kantmaðurinn knái um leikinn.

,,Gegn Frakklandi úti verður gríðarlega erfitt, við höfum samt sýnt að við getum náð í punkta gegn sterkum liðum á útivelli.“

,,Við vissum að við yrðum að ná sigri gegn Andorra og það tókst.“