Hörður Snævar Jónsson skrifar frá Peralada á Spáni:
slenska landsliðið hefur lokið æfingum á Spáni og heldur á morgun til Andorra, þar leikur liðið við heimamenn í fyrsta leik í undankeppni EM, á föstudag.
Íslenska liðið hefur æft síðustu þrjá daga í litlum smábæ, í Katalóníu. Liðið hefur dvalið á golfhóteli í Peralada.
Kári Árnason, miðvörðurinn öflugi er klár í slaginn en hann leikur með Gençlerbirliği, í Tyrklandi. Þangað fór hann síðasta sumar eftir vaska framgöngu á HM í Rússlandi.
Eftir að hafa stimplað sig inn sem lykilmaður hefur staða Kára breyst hjá félaginu, eftir að nýr þjálfari tók til starfa. Kári ætlar þó ekki að ræða ástandið og ástæður þess í þaula
,,Ég ætla ekki að tala af mér,“ sagði Kári við Hauk Harðarsson, íþróttafréttamann á RÚV.
,,Ég bjóst ekki við að þetta yrði bara auðveld bátsferð í eitt ár. Þetta hefur ekki verið það beint,“ sagði Kári sem hefur ekkert út á félagið sjálft að setja.
,,Þetta er fínasti klúbbur og aðstæður eru góðar, það gerast ýmsir hlutir sem ég get ekkert farið yfir.“
