Arnór Sigurðsson er í landsliðshópi Íslands sem spilar gegn Andorra og Frakkland í undankeppni EM í vikunni.
Arnór er einn allra efnilegasti leikmaður Íslands en hann spilar með CSKA Moskvu í Rússlandi.
Hann er spenntur fyrir komandi verkefni en undankeppni EM er að hefjast á ný og er stefnan sett á lokamótið.
,,Ég er mjög spenntur að fá að byrja og ég held að við séum allir spenntir fyrir því að byrja þessa undankeppni, þetta eru tveir ólíkir en mikilvægir leikir,“ sagði Arnór.
,,Við vitum hversu mikilvægur þessi fyrsti leikur gegn Andorra er, að fara almennilega inn í hann og sækja þrjú stig.“
,,Stefnan er sett á EM. Við erum ekkert að fela það en við tökum einn leik í einu og sjáum hvað það gerir fyrir okkur.“
,,Við þurfum að vera mjög þolinmóðir, við vitum að þeir falla mikið til baka og berjast fyrir stiginu svo við þurfum að vera 100 prósent fókuseraðir í að klára þetta.“
,,Ég tek bara því hlutverki sem mér verður gefið og geri það 100 prósent.“
