Maðurinn sem kastaðist af hesti sínum og hafnaði á staur í hesthúsahverfi Hestamannafélagsins Sörla og lést af áverkum sínum hét Davíð Sigurðsson.

Í tilkynningu til Vísis segir að Davíð hafi verið búsettur í Noregi með fjölskyldu sinni en unnið á Íslandi við tamningar. Davíð lætur eftir sig eiginkonu og fimm börn en þau eru á aldrinum 17 til 30 ára.

Útför Davíðs fer fram frá Grafarvogskirkju föstudaginn 15. mars klukkan 15. Í tilkynningu frá fjölskyldunni segir:

„Blóm og kransar eru vinsamlegast afþakkaðir en þeir sem vilja minnast hans er bent á söfnunarsjóð fjölskyldunnar sem ætlaður er til að reisa minnisvarða um Davíð: 0130-15-010650, kt. 220365-4929.”