Það heldur áfram að snjóa á höfuðborgarsvæðinu í dag en heiðskírt á flestum öðrum stöðum á landinu. Samkvæmt Veðurstofunni má búast við frosti næstu daga, allt að -10 á höfuðborgarsvæðinu á laugardag. Hæst mun hitinn fara upp í 1 gráðu á morgun, fimmtudag. Samkvæmt Vegagerðinni er hálka og éljagangur eru á stofnbrautum á höfuðborgarsvæðinu, annarsstaðar er hálka og snjóþekja á flest öllum vegum.
Fram kemur í hugleiðingum veðurfræðings að hið fegursta vetrarveður sé á snævi þöktu landinu í dag, en él á víð og dreif og frost að 14 stigum inn til landsins.
Dregur úr éljum þegar líður að kvöldi, en gengur í norðankalda og fer að snjóa norðaustanlands. Á morgun kemur nálgast lægð sunnan úr hafi og skil hennar ganga inn á land. Hvessir þá af suðaustri og fer að snjóa, fyrst sunnan- og vestanlands, en síðar einnig fyrir norðan og austan. Lægðinni fylgir hlýtt loft, sem hækkar hita upp fyrir frostmark, þ.a. blotar við suðurströndina. Hlýindin standa stutt því á föstudag snýst í norðaustanátt með snjókomu eða éljum og kólnar aftur í veðri.
Veðurhorfur næstu daga
Á föstudag:
Norðaustan 10-15 m/s, en hægari SV-til á landinu. Víða dálítil él, frost yfirleitt 0 til 5 stig.
Á laugardag:
Norðan 10-15 og él A-lands. Mun hægari vindur annars staðar og léttskýjað á S- og V-landi. Frost 3 til 12 stig.
Á sunnudag:
Suðlæg átt, þykknar upp og fer að snjóa S- og V-lands seinni partinn, en léttskýjað á NA- og A-landi. Frost 0 til 12 stig, kaldast NA-lands.
Á mánudag:
Vestlæg átt, víða él og kalt í veðri.
Á þriðjudag:
Útlit fyrir norðanátt með éljum N- og A-til á landinu.