Bloggarinn Ellie Bullen er vegan og heldur úti blogginu og YouTube-rásinni Elsa‘s Wholesome Life. Í nýju myndbandi sýnir hún hvernig hún býr til vegan egg sem líta alveg eins og út og hefðbundin egg úr hænu. Hér fyrir neðan má sjá myndbandið en fyrir neðan það fylgir uppskrift að eggjunum.
Eggjarauða – Hráefni:
170 g grasker án hýðis
1 msk. næringarger
2 msk. maísmjöl
2 msk. vatn
2 msk. ólífuolía
¼ tsk. svart salt
¼ tsk. pipar
smá Himalayan salt
Eggjahvíta – Hráefni:
¼ bolli hrísgrjónahveiti
¼ bolli kókos- eða sojamjólk
1 msk. vatn
smá bleikt Himalayan salt
Aðferð:
Sjóðið graskerin í eggjarauðuna þar til þau eru mjúk. Búið til hvítuna á meðan með því að blanda öllum hráefnunum saman í skál. Setjið til hliðar. Þegar graskerið er soðið er það sett í matvinnsluvél eða blandara með restinni af hráefnunum í eggjarauðuna. Blandað þar til blandan er silkimjúk, en hún á að vera í þykkari kantinum. Hitið pönnu yfir meðalhita og drissið 1 teskeið af olíu á pönnuna. Látið olíuna hitna og setjið síðan 2 matskeiðar af eggjahvítu í miðja pönnuna. Setjið lokið á í 10 sekúndur. Takið lokið af og bætið 1 matskeið af eggjarauðu í miðjuna á eggjahvítuna. Setjið lokið á í 30 sekúndur. Takið „eggið“ af pönnunni og berið fram.
