The Junk Food Aisle er vinsæll reikningur á Instagram og halda forsvarsmenn hans því fram að ný tegund af Oreo séu væntanleg á þessu ári. Ku það vera Oreo-kex með smjörpoppsbragði.
Á Junk Food Aisle er því haldið fram að kremið sem heldur kexinu saman minni helst á ananas og er þessari tegund líkt við hlaupbaunina með smjörpoppsbragði, sem er ekki í uppáhaldi margra.
https://www.instagram.com/p/BsOEHWUlcCu/
Í athugasemdum við færsluna eru margir sem eru til í að smakka nýja kexið. Hins vegar eru einnig afar margir sem komast í uppnám við þessar fréttir. Orð eins og ógeðslegt, viðbjóður og hryllilegt koma margoft fyrir í athugasemdakerfinu og fólki er ekki skemmt yfir þessu nýjasta útspili Oreo.
„Ég veit ekki hvernig mér á að líða yfir þessu…“ skrifar einn notandi. „Þetta er gengur of langt,“ bætir annar við.
„Guð minn góður, ég æli,“ skrifar Instagrammari sem er í miklu uppnámi, líkt og þessi: „Ég elska Oreo og popp en að hugsa um þetta tvennt saman lætur mér líða illa.“
„Þetta hljómar viðbjóðslega,“ skrifar einn og enn annar bætir við: „Ógeðslegt! Ég elska Oreo og popp en ekki poppOreo.“
Hvað segja lesendur DV? Eru þetta mistök hjá Oreo?
