Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.

Félagaskiptaglugginn í Evrópu hefur nú opnað á nýjan leik og eru fjölmörg félög að horfa í kringum sig.

Hér má sjá pakka dagsins.

Chelsea er nálægt því að fá Gonzalo Higuain til félagsins til að taka við af Alvaro Morata sem er á leið til AC Milan. (Sun)

Beijing Sinobo Guoan í Kína hefur gert tilboð í Mousa Dembele, miðjumann Tottenham. (Sky Sports)

AC Milan mun íhuga að selja miðjumanninn Franck Kessie sem er orðaður við Tottenham og Chelsea fyrir 45 milljónir evra. (Calciomercato)

Unai Emery, stjóri Arsenal, vill halda Aaron Ramsey út tímabilið frekar en að selja hann í janúar. (London Evening Standard)

Liverpool mun ekki leyfa Adam Lallana að yfirgefa félagið á láni í þessum mánuði. (Sky Sports)

Fenerbahce hefur áhuga á Lallana og vildi fá leikmanninn í láni út tímabilið. (Express)

Adrien Rabiot, miðjumaður Paris Saint-Germain, mun ganga í raðir Barcelona á frjálsri sölu næsta sumar. (Guardian)