Kona á þrítugsaldri er sökuð um að hafa keyrt á fimm ára dreng á Hörgárbraut á Akureyri. Hún hefur verið ákærð fyrir líkamsmeiðingar af gáleysi og umferðarlagabrot en málið var þingfest í dag.
RÚV greinir frá þessu. Konan er sögð hafa þann 24. september síðastliðinn ekið bíl sínum of hratt yfir gangbraut sem liggur yfir Hörgárbraut.
Þar ók hún á piltinn en hann slasaðist talsvert, en hann hlaut opið lærleggsbrot og brákaðist á mjaðmagrind.