Leikkonan Jennifer Aniston verður fimmtug í febrúar á næsta ári og hefur sjaldan liðið betur, eins og hún sagði í viðtali við spjallþáttadrottninguna Ellen DeGeneres í síðustu viku.

Jennifer er nú í óðaönn að kynna nýju Netflix-myndina sína, Dumplin’, og sagði í þætti Ellenar að ástæðan fyrir því að hún sé í svo góðu formi sé að hún boxi nokkrum sinnum í viku með þjálfara sínum, Leyon Azubuike.

https://www.instagram.com/p/BrDgW6HFo1l/

„Hann kallar mig meistara og það er ekki skrýtið,” sagði Jennifer um þjálfarann sinn og bætti við. „Ég hefði ekki getað ímyndað mér að einhver gæti kallað mig meistara og mér þætti það í lagi. Hey meistari! Við þurfum að ná hjartslættinum upp í 80.“

Jennifer æfir yfirleitt í klukkustund á hverjum degi og hvílir síðan á sunnudögum. Þá er hún dugleg að breyta til í ræktinni og því nennir hún alltaf að fara.

Þegar kemur að mataræðinu er Jennifer mjög hrifin af hreinni fæðu en það er einn drykkur sem hún fær ekki nóg af. Hún drekkur hann til að fylla sig af orku en hann inniheldur banana, kirsuber, brómber, plöntuduft, collagen, smá kakó, stevia dropa með súkkulaðibragði og möndlumjólk með súkkulaðibragði.

„Ég elska súkkulaðibragð. Mér finnst próteinbragð ekki gott.“