Alfreð Finnbogason var að minnka muninn fyrir Ísland sem spilar við Sviss í Þjóðadeildinni þessa stundina.
Ísland hefur oft spilað betur en í leik kvöldsins og komst Sviss nokkuð þægilega í 2-0 í síðari hálfleik.
Alfreð var ekki nógu sáttur með það og ákvað að skora stórkostlegt mark þegar um tíu mínútur voru eftir.
Alfreð sá enga kosti fyrir framan sig og negldi boltanum að marki Sviss og fór hann í stöng og inn.
Magnað mark sem má sjá hér fyrir neðan.
