Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.

Félagaskiptaglugginn í öllum stærstu deildum Evrópu er nú opinn og eru fjölmörg lið að skoða í kringum sig.

Hér má sjá pakka dagsins.

Manchester United þarf að borga Robert Lewandowski 505 þúsund pund á viku vilji félagið fá hann frá Bayern Munchen. (Star)

Real Madrid er hætt við að fá Eden Hazard, leikmann Chelsea, en félagið vill ekki borga 200 milljónir punda fyrir Belgann. (Express)

Manchester United er að undirbúa 35 milljóna punda tilboð í Yerry Mina, varnarmann Barcelona. (Sun)

Borussia Dortmund er tilbúið að selja sóknarmanninn Christian Pulisic á 65 milljónir punda í sumar. (Mail)

Everton hefur náð samkomulagi við Barcelona um kaup á bakverðinum Lucas Digne. (Goal)

Framherjinn Aleksandar Mitrovic er að yfirgefa Newcastle fyrir Fulham þar sem hann var í láni á síðustu leiktíð. (Sky)

Steven N’Zonzi mun ekki ganga í raðir Arsenal en hann er á leið til Roma fyrir 29 milljónir punda. (Calciomercato)