Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.

Félagaskiptaglugginn í öllum stærstu deildum Evrópu er nú opinn og eru fjölmörg lið að skoða í kringum sig.

Hér má sjá pakka dagsins.

Chelsea hefur sagt Real Madrid að það komi ekki til greina að selja Eden Hazard, jafnvel fyrir 170 milljónir punda. (Mirror)

Jose Mourinho hefur enn áhuga á að fá varnarmann Leicester, Harry Maguire en þyrfti þá að losa sig við Marcos Rojo, Eric Bailly eða Chris Smalling. (Mail)

Manchester United er nálægt því að virkja klásúlu í samningi Anthony Martial sem framlengir samning hans til 2020. (Mirror)

Andreas Pereira, leikmaður United, er tilbúinn að spila hvar sem er á vellinum fyrir Jose Mourinho. (MEN)

Roma er að íhuga að bjóða í Petr Cech, markvörð Arsenal, sem gæti tekið við af Alisson. (Sun)

Claude Puel, stjóri Leicester, segir að félagið hafi ekki fengið nein tilboð í markvrðinn Kasper Schmeichel. (Sky)

Everton mun klára kaup á Richarlison, leikmanni Watford á mánudag en hann kostar 40 milljónir punda. (Echo)