Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.

Félagaskiptaglugginn á Englandi er nú opinn á ný en er þó enn lokaður í öðrum stærstu deildum Evrópu.

Hér má sjá pakka dagsins.

Manchester United hefur áhuga á Nabil Fekir, leikmanni Lyon, sem Liverpool hefur reynt við í sumar. (Express)

Maurizio Sarri verður ráðinn nýr stjóri Chelsea í næstu viku og tekur við af Antonio Conte. (TalkSport)

Tottenham undirbýr tilboð í miðjumanninn Juan Quintero sem spilar með Kólumbíu á HM og River Plate í Argentínu. (La Nueva)

Chelsea er tilbúið að borga 65 milljónir punda fyrir markvörðinn Alisson sem er á mála hjá Roma. (Mail)

Liverpool hefur ekki aðeins áhuga á Marco Asensio, leikmanni Real Madrid en Arsenal vill einnig fá hann. (Marca)

Juventus er nú líklegast til að tryggja sér þjónustu miðjumannsins Sergej Milinkovic-Savic sem spilar með Lazio. (Tuttosport)

Roberto Martinez gæti tekið við spænska landsliðinu eftir HM en hann er í dag þjálfari Belgíu. (Gazzetta dello Sport)