Stjórnandi Deildu hvetur íslenska notendur íslensku skráarskiptasíðunnar til að deila sem mest af íslensku efni. Þá segir hann Félag rétthafa í sjónvarps- og kvikmyndagerð (FRÍSK) ljúga. En í frétt DV kom fram í dag félagið hefði kært stjórnendur og notendur síðunnar sem hefðu deilt íslensku höfundaréttavörðu efni.
Í frétt Fréttablaðsins sem vakti fyrst athygli á málinu sagði að félögin hefðu notið aðstoðar utanaðkomandi fyrirtækis sem rannsakaði málið. Þá sagði að FRÍSK eitt og sér hafi lagt fram kæru á hendur nokkrum af notendum síðunnar sem hafa hlaðið upp á hana íslenskum sjónvarpsþáttum og kvikmyndum.
Það var um mitt ár 2013 sem Afghanistan sendi frá sér tilkynningu og leyfði íslenskt efni á síðunni. Á þeim tíma sagði hann netþjóna hýsta í Rússlandi og lítið mál væri að færa netþjóna ef reynt yrði að loka síðunni.
Við það tækifæri sagði stjórnandinn:
„Mér er fjandans sama um íslenska ríkið. Þeir geta ekki gert neitt. Lokað á síðuna? Íslensk stjórnvöld geta einungis látið sig dreyma um það. Það er ómögulegt að reyna að finna út hver Afganski gúrúinn er nú þegar ég hef opinberlega tilkynnt að hlaða megi upp íslensku efni. Látum okkur sjá hvern fjárann þeir geta gert. Til fjandans með Smáís! [FRÍSK tók við]“
Stjórnandinn gefur einnig lítið fyrir kæruna, sendir hann FRÍSK síðan fingurinn, segir þeim að þegja og hætta að ljúga. Þá segir hann á öðrum stað á Deildu:
„Kæru notendur. Mig langar að biðja ykkur um að deila inn öllu íslensku efni sem þið mögulega getið. Allt sem þið finnið/eigið endilega setjið það inn á síðuna. Sýnið að við erum öll Pirates Yarr!“