Þetta er alveg rétt hjá Bjarna Ben og Birki Jóni. Ríkisstjórnin þarf kannski ekki á stjórnarandstöðunni að halda í viðræðum um Icesave samninginn. Ekki í þröngum skilningi.
En meðferð málsins síðan í október kennir okkur þá lexíu að það þurfa allir að vera með í þessu máli. Það er merkilegt hvernig viðhorf manna gagnvart því breytast eftir því hvort þeir eru í stjórn eða stjórnarandstöðu.
Það er sjálfsagt að allir séu með í þessu – og gæfi þá vonandi fyrirheit um að flokksgarrinn og -þvergirðingurinn verði í lágmarki í þinginu næsta vetur.
Þjóðin þolir ekki heldur miklu fleiri vikur af þessu Icesave-þrátefli.
