Lekinn úr Kaupþingi er til rannsóknar hjá lögreglunni.

Það væri ágætt ef viðkomandi fyndist, það væri þá hægt að næla í hann fálkaorðu.

Eða það hlýtur að vera tilgangurinn með því að finna þessa persónu.

Svo þurfum við að fá svipuð yfirlit frá Landsbankanum og Glitni.

Því ekkert er mikilvægara í þeim hremmingum sem Íslendingar ganga í gegnum núna en sannleikurinn.

Við þurfum að fá hann upp á borðið og engar refjar.

Það er algjör forsenda þess að hægt sé að byggja hér upp gott samfélag.

Nú sjá allir að Kaupþing var nokkurs konar skrípamynd af banka; skipulögð fjárplógsstarfsemi – sjáið umæli Tonys Shearer, fyrrverandi bankastjóra Singer & Friedlander í Daily Telegraph.

Það er engin ástæða til að ætla að hlutum hafi verið öðruvísi farið í hinum bönkunum.

Þeim mun fyrr sem við vitum sannleikann þeim mun betra.