Við Kári vorum að horfa á Bondmynd í gær, Thunderball.

Þar sást Aston Martin bifreið sem Bond ók í nokkrum myndum.

Þegar ég var lítill var þetta vinsælasta leikfangið.

Bondbíllinn.

Með sæti sem var þeirrar gerðar að vondi kallinn skaust upp úr bílnum þegar ýtt var á þartilgerðan hnapp.

Ég sló bílnum upp á netinu. Hann var framleiddur árið 1965, kostaði þá fimmtíu pens.

Hér keypti maður bílinn í leikfangabúðinni hjá hása kallinum á horni Laugavegs og Bergstaðastrætis.

Nú er þetta safngripur, eins og lesa má hér er hægt að fá þrjúhundruð pund fyrir svona Bondbíl í góðu standi.