Ekki gerir maður lítið úr vandræðaástandinu sem ríkir í Grikklandi.

En þegar lýsingar á því koma frá þjónum kirkjunnar renna á mann tvær grímur.

Í þessari frétt á mbl.is er vitnað í mann sem sagður er vera yfirmaður hjálparstofnunar biskupsdæmisins í Aþenu.

Hann segir að Grikkland sé á barmi „mannúðarkreppu“ og það sé erfitt að hjálpa öllum sem þurfi.  Það er örugglega ekki ofmælt.

En kirkjan í Grikklandi er ótrúlega rík. Hún á fé, gull, listaverkafjársjóði, húseignir, landeignir, jafnvel heilu þorpin.

Ríkið og kirkjan eru mjög samslungin – pólitísk áhrif hennar eru mjög mikil. Og kirkjan og hollvinir hennar reyna að standast allar tilraunir til að láta kirkjuna axla byrðar í kreppunni – til dæmis með því að láta hana borga meiri skatta.