Ein rökin fyrir því að stytta ekki ræðutíma í þinginu eru að málþóf geti verið öryggisventill, þannig megi koma í veg fyrir að „svívirðileg“ mál fari í gegnum þingið.
Ömurlegasta mál sem Alþingi hefur samþykkt síðari ár er eftirlaunafrumvarpið.
Ekki man ég eftir því að neinn beitti málþófi til að koma í veg fyrir það.
Hins vegar voru höfð uppi óskaplega löng ræðuhöld með tilheyrandi heitstrengingum um Ríkisútvarpið. Ég man ekki betur en að Samfylkingin hafi lofað að hún myndi breyta lögunum um RÚV ef hún kæmist í ríkisstjórn.
Nú er hún komin þangað og það hefur ekki heyrst múkk.
Ekki hefur heldur frést af neinum tilraunum til að hrófla við eftirlaunalögunum.
En þar voru líka allir flokkar samsekir.
