Ég hef löngum sagt að stéttarvitund toppfólks í fjármálalífi sé miklu þróaðri en við höfum nokkurn tíma séð hjá verkafólki eða verkalýðshreyfingunni.
Skömmtun á ofurlaunum byggir á því að einhver annar fái líka skammtað – eða geti átt von á því þegar röðin kemur að honum.
Og þannig er passað upp á að þegar lagt er til að hækka laun bankastjóra Landsbankans – vegna þess að hann er lægri en hinir bankastjórarnir – að þá séu líka hækkuð laun formanns bankaráðsins, varaformannsins og auknar sporslur til hinna í bankaráðinu.
